گــؤرســه نيــر

زمـانه اي ملت ظـاليم گؤرسه نير

آنلامازين باشي ساليم گؤرسه نير

آلا قارين سفرالارين پوكن لر        

احتياجدان خلقه منّت چكن لر

ياماقـلاريـن، يالانـيلا  تيكن لر

ديل لرينده ديك مفا هيم گؤرسه نير

چـيخاتماميش استطاعت بوينوزي

كفايت ائتمه ميش لا واشين دوزي

ائلچي لر  ئونونده بوراخيـب قيزي

كربلايـه حجّـه عازيم گؤرسه نير                                      

دئـينـين   ادا   ائدنـميـيه ن   اولادا

دؤرد ايلده بـيردون آلميان آروادا

ناهـار وئريـر  دسته يـه  عاشـورادا

ابا عبداللهه (ع)خاديم گؤرسه نير                                      

روزگارين گؤرمه ميش ياشين،پاسين

ريـاضـت  نرديـنـه آتـماميش تاسـين 

بؤلن ميـيه ن ايكي ائششك آرپاسين                                        

رياستـه ايندي لازيـم گؤرسه نير                                      

داغ عوضي ديرماشيللار دووارا

ائـو  ايتي ني  آپاريـللار  داوارا

نـئچه  ديندن ملّـت اولور آوارا

دانـقاليق بو جمعه حاكيم گؤرسه نير                               

باش گويـومو ياش سويـي لا  دولماميش

شخ فافاسي گون گؤرمويوب سولماميش

بـير اسـتادا   بش گون شاگـرد  اولماميش

دفـتر خانا آچـيـب عاليم گؤرسه نير                          

هئچ ايشده آللاهي ياده سالميان

شـريـعـتـه  بئلي باغـلي  قـالميان

ائوده واجب  نامازيـني  قـيلميان

جومعه  نامازيـندا دائم گـؤرسه نير                                 

غميم يوخ ز َهـَرله  قاريـشسا قـنديم

گؤزل سؤز سؤيله دي شجاع افنديم

نه لازم  بلـدچي گؤروشسه كـنديم ؟

جيريقدي تومانيم يانيم گؤرسه نير                                   

31. آللاه دامينا گؤره قار وئرر

32.ايش گؤره نيندي

33. ايتلر اليندن سوموك ده گميرمك  اولمور

34. ايشدن آرتماز ديشدن آرتار

35. آيري قارداش ياد قوهومدور

36. آيي ايلا بير چووالا گيرمك (رفيق و معاشر خطرناك انتخاب كردن)

37.ايشي اگيلمك (بد آوردن)

38. ائششكه گوجي چاتمير پالاني تاپدير

39. آششيقي آلچي دوروب (شانس آورده)

40. آلني نين داماري شيشمك(غضبناك شدن)

داریسقال بیر

 دویوش میدانیدیر منیم وارلیقیم

آجی و اسکی آنی لار

 دومان تک چولقایب اوزونو

گاهدانداآرزو

و اومود اولدوزلاری

پارلاییب منه وارلیق وئریرلر

بو میداندا مدام

عفو ایله انتقام

نفرتله محبت

واونوتماقلا خاطیرلاماق

دویوشده دیر

بـير زمانه گليـب اي خلق كي حق تاپدالا نيـر

حق سئونلر بئليـنه ظلم يوكي هي قالا نيـر

عقليمين گؤزلرينه گونده بـير عينك وورولور

تبليغات منگنه سينده فيكيريم سيخجالا نيـر

سررمي سينه ده پنهان ائله ديم آغلاماديم

داهي طاقـت قوتولوب صبرچاناقيم جالا نيـر                               

ائل گوجي سئل گوجـيدي داغدا حريف اولماز اونا

تـئـز يا گئج بـير گون اولار كي بودنيز دالقا لا نيـر

خلقيمين غيرت اوشاقي يوخودان دورموراگر

هركس وناكس اليله بئشيگي يئرقالا نيـر

نه چايا كسسگ آتان وار نه دئشن ديب بوجاقـين

آخـتاراق  بـير گؤرك آخر بوسو هاردان بولا نيـر؟

آغاجي قورد ئوزايـچـيندن چورودر تـؤهمتـيله

دئمه يـين باشـقا اليله بو بادامليق تالا نيـر

حيف اويالـتاقـلار ين آغزينداكي خوش واژه لره

كي حـقيقـت سؤزونون نـقـشي اولارلاسووا نيـر

كؤنلومه كؤلگه سالير قورخو بولودلاري «شجاع»

قلميم آمّا جسارت ايشيقيندا دولا نيـر

صبح آچاندا سالير آزادليقي انسان يادينا

سانكي ظلمت اته گي آتش خاورده يانير

 

سيز اي دين بنگاهين تأسيس ائدنلر         

 ديانت آلياژين جيس ائدنلر

سيزين بير صنفييز وار اهل تبديل 

        

اوز آغليق آلميونين ميس ائدنلر

 

اولوبلار حيلته  ارشاد چراغي   

   

صداقت حجله سينده هيس ائدنلر

 

ائديبلر بيربيره خلقي گودوكچو  

       

عقابه قارقاني وارث ائدنلر

 

هميشه دم وورورلار دوز دئمكدن  

       

يالاني رونق مجلس ائدنلر

 

نمازدا سورة اخلاص اوخورلار 

               

شراكت نيّتين خالص ائدنلر

 

سانير لار اؤزلرين شمع هدايت     

           

جهالت علميني تدريس ائدنلر.

 

بيزي  كيملر قووور توي مجلسيندن ؟  

  

هواي لذت پاريس ائدنلر

 

توتورلار سيركه آخميش قان لاريلا  

 

شهيدلر خاطرين تنديس ائدنلر

 

ديديرلر بير سورو  هر گون اؤروشده

 

چيخيش يوللار هاواسين سيس ائدنلر

 

دئير لر كافره گل اول مسلمان   

مسلماني  جهاندا پيس ائدلر

اعوذو بالاهيلا سؤز آچيرلار

 

ارادت قبله سين ابليس ائدنلر

 

نه دن ايش صحنه سيندن گن گزير لر؟

 

شعاردا سئرو ائديب سرويس ائدنلر

. آغزينين دادين بيلمك

 آغيل آغيلا وئرمك

 آغيل سيز باشين زحمتين اياق چكر

آنادان امديگي سوت بورنوندان گلدي

اومان يئردن كوسرلر

 آج دان اومماق اولماز

 اليينده دويار

ايش ايگيد باشينا گلر

 آغزي كؤپوك لنمك (عصباني شدن)

آغيل ياشدا دگيل باشدادي

گيلئي نامه

اي خلق ائله ميش جانلاري افلاكي كُراتي

اي لطف ايله مخلوقاتا سالميش نظراتي

درگاهيوه اوز توتموشام اي قادر مطلق

سندن اومورام ياخشي قضا و قدراتي

پندام ائلييوب غم سئلي كؤنلوم بره سينده

آچ قورتولوشا غئيبي آچارينلا دراتي

يارب گيلئي ايم چوخدو جهان قاعداتيندان

القاعده نين چون ياييلير بوردا شراتي

جهلين قيفيلي عقلي قوروتموش قافالاردا

قلبي قره ليك عينكي توتموش بصراتي

منطق چراغي بزم تعصّبدا بوغولموش

نفرت شرابي سينه يه سالميش شرراتي

يارب دلي اولدوم نه دي حكمت نه حساب وار؟

يانديرماق اولار هئچ قورولار ايچره تراتي

تقصيري نه دير بير سورو كي پيسدي چوباني؟

انصافدي اياقلار قورويا تاجلي سراتي؟

بو مدرسه ده درس اوخويان بير يئره چاتمير

تنبل طلبه صاحب اولور سيم و زراتي

حسرتدي سامان دادماقا آتلار بو اؤروشده

لاكن اوه دير آرپا ياتاقيندا خراتي

اگري يولينان مقصده چاتماق نه راحاتدير

دوز يول گئدنين پنچر اولور تئز تكراتي

اي كوي شريعتده سوپر ماركت آچانلار

گؤزدن ساليسيز ملّت ايچـينده حضراتي

دوزدور كي ياواندي دوز ايشين جيره سي امّا

بير اولسا يالان فايداسي، ميندي ضرراتي

ايمانيميزين هيكلينه آختافا گؤتدوز

كوفرون ايگي سي اونچو توتوب هنده وراتي

كافر كتابي آنلادي درسين ايشه سالدي

تدريس ائديسيز سيز هله زير و زبراتي

خرمن دؤين اولماز گئچي دن تاپمالييق بيز

مردان كهن له بارابار گاو نراتي

سيمرغ داشين چوخدو دؤشه تاپديان امّا

هر سئرچه ده يوخدور او ارادت هنراتي

آلچاق حياتين زيروه سينين چوخدو مسيري

انسانه شرفدير كي توتور چوخ گذراتي

اي شيطانا هر ايشده خبر دار دورانلار

اي فتنه فضاسيندا آچان بال و پراتي

شيرين اداليك ائل چؤره گين كسمگه گلمز

انسان ديله مز زهره بولانميش شكراتي

دنياده ساقين باند اويونوندان كي او الده

مسدود ائليير لر اوزوين باند صراطي

معنا محكي گئتدي گؤزل ليك بازاريندان

تا اهل نظر اولدو مناظر حشراتي

هانسي آدامين وار گونشي اولسا ايشيق لي

دائم دولانار  دورونا دوستلار قمراتي

سس چيخماسا لاكن بيرينين مال دخيليندن

هئچ بانكدا گلمز حسابا چك له براتي

دنيا بولاغيندان كاسيبا پاي نييه يوخدو؟

دائم نييه حسرتدي سويا آرزو جراتي؟

آج معده لري گؤينه ديسيز شام ايگي سيله

لاكن يئمه گه مطرح ائديرسيز اگراتي

آتدانماقا آماده دي زور تشكيلاتيندا

هر كيمسه زورا دوشسه تحمّل فنراتي

مسئوللاري  كه گؤرموروك اؤز پست لاريندا

چون الدن آليب فرصتي خارج سفراتي

بيز بي خبريك چين و اروپا سفريندن

لاكن گؤروروك دالدالا حجّ عمراتي

ديسين باشينا ييغديغي داش دشت منا ده

هر هانسي فيليم اويناسا رميِ جمراتي

قالماز بئله اورماندا ياشيل ليقدان علامت

اوردان كي پالاندير بو تالانين تبراتي

سيلكيرسده مجرملره بارماقيني قانون

افسوس كي يوخدور بو قيلينجين كسراتي

بستانچي ميزين تا قولاغي اولمويا درمان

بستانيميزين درد توتاجاق گولبسراتي

*  *  *

گيزلتمه اين اي قومِ گزارش خبراتي

جين لتمه اين اي اهل رسالت بشراتي

هر حادثه نين قيمتي وار حق بازاريندا

تاريخده تانيت ديرماليسيز محتكراتي

ملّت لره دا چايدا باليق سوداسي بسدير

هئي پايلامايين شهده بوكولموش زهراتي

تا آستاري اوزدن باهالي بوينو يوغونلار

ديوان داشينا ديشله قويورلار اثراتي

غيرت ايليگي قينيه جك ائل سوموگونده

عصيان يولونا باغلياجاقلار كمراتي

آمريكا داغيتدي عراقي هارداسان آللاه؟

قهرين نييه گتمير ييخيجي موجه فراتي؟

بيز معتقديك باطله پيروز اولار آخر

حقّين قوشونو حتّا آز اولسا نفراتي

امّا عملاً ثابت اولوب عكسِ قضيّه

آچمازدا قويوب اسلامي كوفرون خطراتي

قولدورلارا باخ حتّا ملل سازمانيندا

قانونلا وئريرلر قودوزا حق سپراتي

هر قاب كي خانم سينديرا چيخمير سسي امّا

بير بوش قابا خاطر بولويور باره اراتي

آمريكا جهان جانه دويوب فتنه لريندن

چنگيندن آخير كوتله لرين قان قطراتي

هر يئرده سنين چول پالازين دوشدو دؤشندي

وحشت بولودو چولقادي كندي شهراتي

زورلو ضعيفي بركه سالير گيرده قالاندا

ارباب مينير ائششك عوضي كارگراتي

قورخان، دايي سسلير آيي ني جينقيري چيخمير

قورخمازدا اليندن چيخادير مختصراتي

تا ييرتيجي لارين بساطيندا كباب اولسون

لبناندا يانير آرواد اوشاقين جگراتي

چوخ انگيوي يورما بئله مجلسده شجاعا

چون حقّ وئتوينان باتيريرلار ده يراتي

قاليندي نييه بئينييز اي خلق مسلمان؟

اؤز آتلاريزا ياددان اومورسوز يهراتي؟

هر ائل كي بئلين باغلادي يادلار قييشي له

سوستالدي يامان گونده ستون فقراتي

تورپاق كي يابانجي توخومون باغرينا باسدي

پاي سيز قالار عزّت مزه سيندن ثمراتي

بيرليك باغينين هئيمنه سيندن دئمك اولماز

تا آيريليقين وار آراميزدا چپراتي

. آش يولداشي

- آغزينين اؤلچوسون بيلمك

بير دوست               منه سنه اونا

بير ياخشي دوست                بيزه سيزه اونلارا

ان ياخشي دوست                   هامي يا

من، سن ،او

             بير بير له قونوشدوك

اونون اودونو ياش!

سنين قاتيقين تورش!

منيم اكمكيمده داش !

بوغازدان گئتمز بئله بير آش

بيز، سيز، اونلار

اونلارين اودوندان گؤزلرده توستو

سيز قازان قويو خالقين يول اوستو

بيزده ياغليريق، داغليريق دوستو

نادرست انسان ييخير درستو

ائشيدك هامي

هامي نيز اي ايچلري يارا

بو كروان آخير دا يئته جك هارا؟

كوسدوردوز ائلدن گونو ، گونشي

پنجره آچماقلا قارانليقلارا

ياشيل يوخولارين سونلاريندا

حسرتين چكديگيم آغاجلاري

بارسيز گؤردوم

بارسيز آغاجلارين كؤلگه سينده

توكدوگوم چايي

ايچمه ميش سويوتدوم

انتظارين چكديگيم گونلر

بير يوخو آلانا

گليب گئتديلر

دنياني بير گوز وورموش باغ كيمي گؤرورم

و ديلكلر گونشيم

اؤتن گونلريمين دالينا قيسيلير