وبلاگ ادبی علی شجاع

بو ملّتين اوتوز ايلدي باشيندا قوز قيريلير 

     با هاليقين يوكي آتدا عجب گؤتي جيريلير

بير عيدده جورته بو حالدا خيمير خيمير  ايريلير 

       مگر قيامت اولوب كي بو جور اؤلو ديريلير؟

گرك گلن لره آيدين لاشا بو مجهول لار

جماعتي سرييب لر يالانچي مسئوللار

نه خوش زمانه دي يارب يالان گؤزل ياييلير  

شرف آتي اؤروشونده قاطرلا بير ياييلير

آدام پيشيك بئزيينده اصول گرا ساييلير  

شرارته يورولور هانسي ايشله ائل آييلير

بو جور اولور تاپيلير اؤلكه ميزده بهلول لار

جماعتي سرييب لر يالانچي مسئوللار

مثل قاليب بابالاردان باليق قوخار باشدان  

          باشين گرك ايشه گلسين نه ايش چيخار ياشدان؟

بئش اون نفر خيلاپوتلو قيليفتي كلّاشدان 

              گؤزي چيخا ر گلينين فايدا گؤرمه ميش قاشدان

لياقتي سئچير ايندي متير له باسكول لار

جماعتي سرييب لر يالانچي مسئوللار

دئير ديلر بولانان سو ياواش ياواش دورولور 

                هويوخمايين ايگي گلسه ،كباب اودو قورولور

ولي گئدن قئييدن باش اوفوللويور بورولور  

                     كباب هاني ؟ بابا داغدير اولاغ لارا  وورولور

اؤترگي وعده لر اولدو مسكّن آمپوللار

جماعتي سرييب لر يالانچي مسئوللار

آهيل لارين سسي باتدي آچيلدي بالديرلار 

                         گولونج مظهري اولدو حيالي جينديرلار

متانتين يئرينه گلدي غمزه لر قير لار  

                                   كسالتين دومانيندا گيجلدي آيغير لار

قويولدو بئللرينه باشقاليق سئون چول لار

جماعتي سرييب لر يالانچي مسئوللار

هر ايش كي ال قويوسان اوستونه عوارضي وار 

           جئهيز تداركي گؤرسون گرك او كي قيزي وار

ياساق يولون كي گورورسوز چراغ قرمزي وار 

            آغا پايي چيخانين نه خاطاسي نه سؤزي وار

ديلنمگه آسيليب هر طرفده كشكول لار

جماعتي سرييب لر يالانچي مسئوللار

قاشانما سالدي دولارلار وكيل لرين بيغينا  

                       گرك فيكير چكه لر عايداتين آرتيقينا

دولاري تپمه گه خاطر طاماح داغارجيغينا  

                     ايليشدي اللري ارزي ذخيره صانديغينا

مشخص اولمادي هاردا يئييلدي او پوللار

جماعتي سرييب لر يالانچي مسئوللار

الاهي دير آقالارين بوتون شعاراتي 

                وظيفه دير ائله خدمت ائده اداراتي

علي الخصوص گؤرنده گؤزل نگاراتي  

                     تورا دوشنده ولي منفعت شكاراتي

ديلت ائدير هامي سين انتفاعي فرمول لار

جماعتي سرييب لر يالانچي مسئوللار

آچيرعدالتيميز كهنه كارلارا قوجاقين  

                 سكوت حقي آلير حق سؤزه تيخير قولاقين

جوانلارين قوجا قوردلار توتوب الين اياقين 

                       درآمدين قورودوبلار بو جمعده بولاغين

گلين لرين كساد ائيلير بازاريني دول لار

جماعتي سرييب لر يالانچي مسئوللار

 بئش آلتي اوغرو اگر بنزينه وئرير تالاني  

                    گرك مصيبته دوشسون جماعتين قالاني؟

توتانمير ائششگي دولت نيه دؤيور پالاني؟

                    بو زيرنانيين يوزه يوز وار آلان ساتان چالاني

داغيتدي مملكتي دولتي تناووللار

جماعتي سرييب لريالانچي مسئوللار

انتخابات دي داداش لار نظراتي بويورون        

   بير بيره هديه بويولدا ادواتي بويورون

بير نئچه ساغ كلفي مجلسه گؤندر مه لييك  

      بو مؤهوم امريده تشريحِ نكاتي بويورون

گؤروسوز رأي ديلنمكده دي عشّاق مقام    

             مستحق هانسي ني گؤرسز صدقاتي بويورون

وكلا دن نه اومورسوز بويورون قوولون آلين  

      اردبيل زيرناسي يا قور قووالاتي بويورون

بلكه ده خاطره ييز داغلي دي گئچميشلردن     

                قلبييز سينسا اگر تاپسادا چاتي بويورون

ايهاالوعده لري نقدو عملكم نيسيه    

                      بير شيرين كارليق اوچون شاخه نباتي بويورون

ملتين لوطفونه وار حاجتييز انصاف ائدين   

                     ييرمي دوققوز يالانا بير دوزو قاطي بويورون

اوتوز ايلدي ايشييز بررسي و آماردي                                 عملي صحنه ده ده راه نجاتي بويورون

طرح وئرمك كاغاذ اوستونده داهي بسدي داداش           او مسير ده كي دئير سيز حركاتي بويورون

ملّتين تا دوياسيز ايستي سويوقدا كئفيني                         گاه شمال گاه جنوبا نقلِ بساطي بويورون

آتاسيز اولادي وار اؤلكه ميزين هم ايشسيز                       قره گون گنج لره رنگِ نشاطي بويورون

او مناطق ده كي دولت لوله كش ليق ائله مير                     بوغاز ايسلاتماغا بير  حفر قناتي بويورون

گئدين او كنده  كي ايت قوردون اؤلن يئرلريدي                   ماشيني اولمويانا كؤهنه فياتي بويورون

بالالار واردي كي بيلمير هله ات رنگي نه دير                 ال چكين باشلارينا شار شاقالاتي بويورون

وا ر ائله عائله لر كي باشينا دام ييخيلير                  شرعيدن دم ووروسوز خمس و ذكاتي بويورون

اي كؤر اوغلو اداسين خلقه وئرنلر ،دلي لر                         توتسالار دوره ايزي وعدة آتي بويورون

لاخلاديب بئينيميزي تبليغاتين ضربه لري                        سيزده بوش يئرلره تزريقِ ملاطي بويورون

مجلسين سيز هله دؤرد ايل اولاجاقسيز دكوري                گئيديگيز كؤينكه اويقون كراواتي بويورون

باهاليق تورموزونو قيردي سيزين لايحه لر                              باري آزقين بازارا آزجا ثباتي بويورون

او شه هرده بو شه هرده اوتونورسوز همه شه                      لااقل ياغلاديقيزجا خدماتي بويورون

بير بيره هي يازيسيز مدح و مذمت غزلي                          رعيتين دردينه ده صرفِ دواتي بويورون

ساواديز اولماسادا ملّتي آلداتماق اوچون                          آختارين ديكشينري كال كلماتي بويورون

دنيزي بيرده ديرتسز  بيزه مينت قويوسوز                       سيزه كي بيز دئميريك فتحِ فلاتي بويورون

آجي گئرچك لريده ايسته مسز آنليا سيز                         وجدانيز گؤزلوگونه شيشة ماتي بويورون

ايشله مير كاربراتور بنزين آليشمير آغالار!                       بوغولان اركؤيون افكاره ساساتي بويورون

بحثيميز اولمادي تصويب گلن نوبته دك                                جلسه خاتمه تاپدي صلواتي بويورون

ايتميشدي حقيقت ايشيقي تهمت ايچينده

سؤنموشدو  فضيلت چراغي ظلمت ايچينده

آفت گؤرنوردو گؤزه هر نعمت ايچينده   

بـتـلار  ديريـليردي  تـزه دن  امت  ايچينده 

   اوز وئردي بو اوضاعيده عصياني حسينين

تاريخ بويو اسمكده دي طوفاني حسينين

باش ايمق اولار اوردا كي حاكمدي ضلالت ؟ 

   آيا ده يري وار حياتين ، اؤلسه عدالت ؟

غئير تـلي يه  هيهات  قبول  ايليـيه  ذلت  

   عزت يولونا تا ائده انساني دلالت

دوراندا ياييلدي اولو برهاني حسينين

تاريخ بويو اسمكده دي طوفاني حسينين

ائتدي حركت قافله سي كرب و بلا يه               اعلان ائله دي سون سؤزونو اهل جفايه

تا خلقه جهالت بولودو سالمييا سايه           شمشك ساياغي شاخدي او مسموم فضايه

خالق له  وارايدي بئله پيماني حسينين

تاريخ بويو اسمكده دي طوفاني حسينين

دنياده بؤيوك شخص بو دنيايه گولندي                   آلچاق ليقا اويماز من ايله كيمسه گلندي

مغلو ب او دگيل كي سانيسيز بوردا اؤلندي                  گر دين محمد اؤلوموم له ديريلندي

بو تهلوكه ده گئتمه ليدي جاني حسينين

تاريخ بويو اسمكده دي طوفاني حسينين

اصحابينين او صحنه ده اخلاصيني گؤردوز؟                       ايثار دنيزينده سيرا دالقاسيني گؤردوز؟

اوخلا بزه نن قانلي مصلاسيني گؤردوز ؟            غيرت داغي نين زيروه سي عباسي ني گؤردوز؟

اورمان دا باخين وار نئجه اصلاني حسينين

تاريخ بويو اسمكده دي طوفاني حسينين

انسان اودو كي دنيادا صاحب هدف اولسون           دين اهلي ا گر اولماسا اهل شرف اولسون

ياغي قاباقيندا جوابي لا تخف اولسون                     درياي شهامتده ،وجودي صدف اولسون

اردم گهري بسليري عماني حسينين

تاريخ بويو اسمكده دي طوفاني حسينين

ياندي بساطي اولدو اوباسي ائلي غارت       ايثار ايله بير ليكده نشان وئردي جسارت

  هر درده دوام ائتدي مگر قيد اسارت            معشوقه طرف قانلي الي ائتدي اشارت

حريته قيمت قازانيب قاني حسينين

تاريخ بويو اسمكده دي طوفاني حسينين

دوزدو قوشونو اؤلدو قيامين سسي باتدي         سرلشكري نين سيندي بئلي بايراقي ياتدي       

لاكن او هارايلا كي ياتان خلقي اوياتدي            ياتماز او قيامت كي بو قامتده ياراتدي

اولدو ابدي دفتر و ديواني حسينين

تاريخ بويو اسمكده دي طوفاني حسينين

اولـدو  اسـرا  كـارواني  شـامـه  روانـه              ظـا هرده  يزيدين  الينه دوشدو بهانه

نهضت باغي لاكن تزه دن وئردي جوانه          زينب ائله كي باشلا دي تفسير و بيا نه

گؤرسندي گنه گؤرمه لي جولاني حسينين

تاريخ بويو اسمكده دي طوفاني حسينين

خفت داشيني چالدي يزيدين تپه سيندن           وحشت سوكوتو سيندي شجاعتلي سسيندن 

آزاد ائله دي كينه ني سينه  قـفسيندن                    نهضت يئني جان تاپدي مسيحا نفسيندن

لخلتدي يزيدين كاخيني شاني حسينين    

تاريخ بويو اسمكده دي طوفاني حسينين

كيملردي بو انديشه ني تعليم ائليينلر                 لبيك دئييب وار يوخو تسليم ائليينلر

اي باشه چاليب گؤز ياشي تقديم ائليينلر          سونرا باش اگيب قورخويا  تعظيم ائليينلر

گل اول عمل و فكريده قرباني حسينين

تاريخ بويو اسمكده دي طوفاني حسينين

هر كس اؤزونو سانسا حسينين مداريند           لازمدي حميت قاني گزسين داماريندا

هر محكمه ده دورماليدي حق كناريندا                هيچ اگري گرك اولمويا نيت عياريندا

اخلاص عملدي بيزه فرماني حسينين

تاريخ بويو اسمكده دي طوفاني حسينين

كاسيبي ائديب پريشان تزه قيمتين يومورتا

ده گؤرك بو چال ها چالدا ندي نيتين يومورتا

نئچه گوندو بحث لرده دولانير مبارك آدين

باهاليق اوزون آغارديب مترقي اقتصادين

بئلينه بو غملي خلقين نه يو كويدو سن قالادين؟

وفاسيز ،نه تئزاونوتدون آنايين سيجاق قانادين ؟

نه قاليب صفالي عطرين نه حرارتين يومورتا

سن ايله تاپير تكامل كاسيبين نئچه غذاسي

املتله قيقاناغین نه دي اصلی  محتواسي؟

 جانينا گؤروم سوسيسين دوشه گؤزلمه قاداسي

سنه تاي كيمين اولوپدو يئري كوفته نين آراسي؟

ائله ائتمه سوفراميزدان گئده حؤرمتن يومورتا!

ائله كي قدم قويورسان بو جفامنش جهانه

نه گؤزلدي طالعين كي اوخويور آنان ترانه

ها بئله آتان سحرلر نغمات عارفانه

بو جماعتين سن آللاه اوره گين چؤوورمه قانه

گرك او خوش آوازيلان اولا نسبتين يومورتا

گؤرورم دؤزوم قيلينجين قيراغا قويوب غلافي

فيكيرين اولوب مشوش و دولاشديريب كلافي

سني ده ائديب كدرلي جريان انحرافي

شرفي اولان كي اولماز او شرافته منافي

اوخونور اوزونده واللاه نه دي حسرتين يومورتا

هله گئتمییب بودومدان  دگنك لرين نشاني

گئجه لر گؤزومده اوينور هله وحشتين گوماني

نييه آ ه كوفو قوتارمير ائليمين  قوچاق جواني؟

نه زمان  تراختورون پس دوشه جك ايشه كوتاني؟

گؤزو وار تكرلرينده گزه قوّتين يومورتا

ساييق اول ساريل ياغيلا ياوانين نه اعتباري ؟

ياوايا وئرن تاپيلمير ايكي دسته گؤي كاواري

يئكه باشلاري گؤرورسن نئجه قاپسي يئر دلاري

دلاري لا چون ياييرلار بو اؤروشده مال داواري

تيكه ميز گرك سن ايله پوزا خلوتين يومورتا

مزه لي طعام سن سن كاسيبين قيريق قابيندا

سني باغرينا باسير او قاتيقيندا دوشّابيندا

سني دوزلا ساخلايير او كوپه سينده ايشقابيندا

داحي سنده شيللاغ آتمابو يازيقلار اعصابيندا

آخي قويما كؤنلوموزدن قاچا حسرتين يومورتا

اؤزويون نييه قوشورسان اته سكّه يه مگانه؟

باهاچيل لارين وئريرسن الينه عجب بهانه

  بو مثيبتين پيچاقي دايانيبدي استخوانه

هارا گلدي اوخ بوراخما  اؤزوين ائدر كمانه

سوموگه ائدير آغيرليق ائله بيل اتين يومورتا

هله شوكر ائله بو وضعه كئفي ساز داماغي چاغسان

ايچه رينده آي پاريلدير و اوزو ائشيكده آغسان

تاري ساخلاسين نظردن باش اوجا مثال داغسان

داحي سنده بعضي لر تك داش اولوب بو خلقه ياغسان

ییخیلار جماعت ايچره اوجا شوكتين يومورتا

بو زمانه ده الهي نه ساياق ياشير بير عيدده

يارالي كوره ك لرينده يوكونو داشير بير عييده

و زهر لنير حرامي آيي تك شيشير بير عيده

و سؤزون دوزون ديينده آتيليب دوشور بو عيدده

يارامي دئشيب داغيتدي آجي صحبتين يومورتا

دئمه كي ضيالي لار پس نييه آيري جور قوخورلار

گؤروسن بو باش بيلن لرنئجه نقشه لر توخورلار

نئچه مايماغي تاپاندا نئجه قوش ديلي اوخورلار

آدامين بو بيشرف لر گؤتونه آغاج سوخورلار

بو شكنجه يه گركدير اولا طاقتين يومورتا

خونمان را مي دهيم

تا جرثقيلي بگيريم

و تنديس تهديد را

از ميدان شهرمان

 برداريم

*    *    * 

حرارتي احساس مي كنم

در دستهايي غريب

اما يخهايي از جنس ترس

در آبگير اعتمادم

شناورند

چه خوب مي شد

دستي آشنا دستم را مي گرفت

ديبي دليك  بير توربادان

ايچنده كين قاچيردان

و حتا قاچان

اولا بيلر بير سيچان

گؤزلردن گيزلنيب يوخا چيخان

لاكن نه دئمك اولار؟

گؤزلرين اؤزو ن گيزلدن زامان !

بارها كوبيده اند

 و باز كوبيدن خواهند

آخرين ميخك تابوت پريشاني را

گويي گهواره هاي اين مملكت

فقط

پذيراي نوزادان پريشانند

و حكومت

هيچ طرحي براي تنظيم جمعيت ندارد

و شعارها

يا شعر واره هاي سوداگران آشوب

و آشوبگران سودا

مديحه هايي نسيه اند

كه نقد مي شوند

تنها توسط دل شكستگان مجنون

هر قاراني قارانليق  سانسان       و هر قيرميزيني قان

قاراتل و قير ميزي ياناق گؤزل لر

گؤزوين چيركين گؤرسنرلر

آتا بابا لار دئميشكن /نيـت هارا منزل اورا

* * *

اله بالتا آليب منيم بارلي آغاجلاريمدان

ايكي سين چاپماق  عوضي / بيلچه گؤتور

و بير آغاجيمين ديبيني ايشله /باريني ديشله

انسان لار عجب انصاف سيز ديلار

بعضن محبتدن شك آنلايير لار

اولمويا دالداسيندا كلك ملك وار؟

لاكن ، ايكي گؤزلري تكين

 اينام لاري وار نفرته

او نفرت كي

چوخلو گئرچك لرين اوستون اؤرتور

و سانسيز سوآل لاري جواب سيز ساخلايير

وطن و وطنداشلاريمين                   باجي قارداشلاريمين 

اؤنو و سونو دوشموش كدركتابلاريني

خيابان خيابان وراقلاييب

كوچه كوچه اوخويوب

و قاپي قاپي دويورام

ياتاقيم تيكان ،ياسديقيم داش         آغزيمدان نفرت داشير گؤزومدن ياش

يوخويا دئييرم آز منه دولاش

منه توختاق وئرنن تكجه خاطرات دخيليمدي

كي اوردان چيخان مهربان ايكي قيرانليق لاردا

آغ دوندارمانين شيرين ليقين و قارا سيميشقانين شورلوغون

داديرام

بير آز  يوخومو يوباديرام

مكتب يولونون صحنه لرين خياليمدا هؤرورم

و آغ قاري ،آغاجلار باشيندا ياشيل گؤرورم

يالواريرام گئتمه قال

آ....ه نه  شيرين سن خيال

جيسميمده گنه ديرچه ليري جان يوموراقي 

     قدرت يئتيرير قلبيمه ، ايمان يوموراقي

عادت ائله مك منده بئله بنده ماحالدي 

          گؤرستمه لييم تولكويه اصلان يوموراقي

انگين ياراما دوز باسيلير اؤز دنيزيمدن  

              دردين دنيني تاپدالا ، درمان يوموراقي

اي سئل گوجونون آبيده سي خائن اؤنونده  

       اي تورك ائلينين فخري كاظم خان يوموراقي

قويماز دره بي لر دره لرده سو ديكلسين 

     باغلي بره لر ييخماسا ، عصيان يوموراقي

حاققين هارايي تا بوغولور باطل اليله 

                واجبدي قلينجا يوگوره قان يوموراقي